ટચાક ટચ

ટચાક ટચ કઈ ફૂટે છે.
હળવે આંગળીઓ ધ્રુજે છે.
જરાક સરખી હલચલ થી,
સઘળી અંગડાઈ તૂટે છે.
અહલ્યા થઈને બેઠેલી
લાગણીઓ સૂતી ઉઠે છે.
ભ્રમ તોડીને બહાર આવું
એને એ વાત વધારે ખુચે છે.
ટચાક ટચ કઈ ફૂટે છે.
એક તેજ લીસોટો નીકળે છે
અંધારું પળમાં વછૂટે છે.
તળાવ સરીખા મન મારામાં
તરવરીયા તરતા સપના છૂટે છે
મહી બેઠી’તી જળસુંદરી
એ ફરી મન મારાથી રૂઠે છે.
કંઈક ઝાંખી આંખોમાં ખૂટે છે
ટચાક ટચ કઈ ફૂટે છે.

~ રેખા પટેલ ‘વિનોદિની’