અછાંદશ

આકાશ પરનો આ ચાંદ
તારાને વાદળોની સંતાકુકડી,
તેમા નજર આવતો એક ચહેરો.
વારંવાર રંગ બદલતો, ભાવ બદલતો,
રૂપ વિખેરતો એક ચહેરો.
સાત સમંદરપાર તું પણ
જોતો હોઈશ ને!
આ ચાંદ માં એક ચહેરો.
નજર ચાંદ પર પડતા લાગે
જાણે તું જુવે છે મને,
અને બન્ને જોઈ રહયા છીએ.
તેમા એક બીજાનો ચહેરો.
નથી હું કાલિદાસ કે વાદળ સાથે,
સંદેશો મોકલું,
હું એક નારી, સતત પોતાની ઓળખ પામવા મથતી,
ને દેખાઈ મને એક ચહેરો.
શું લખું શું કહું મારી ખુશી, મારી પીડા, મારો વિરહ,
કે પછી મિલનની અનંત પ્રતીક્ષા,
વિશાળ આ ગગનમાં ફેલાયો પ્યારો એ ચહેરો.
કાજલને દેખાઈ સતત એજ ચહેરો.

કાજલ
કિરણ પિયુષ શાહ