લો હવે અમે ચાલવાના અને તમારી યાદમાં મહાલવાના
દિવસે ના મળો તો ચાલશે તમને સપનામાં માણવાના

અમારો ખુશીઓ ઉપર કાયમી ઈજારો,ના છોડવાના,
છે એટલો વિશ્વાસ તમે વળતા આજ રાહમાં આવવાના

રાત પછી દિન આવે જરૂર, સઘળા કુદરતને જાણનારા
દુઃખમાં પણ કાયમ હસતા રહેવું, એ વાતમાં માનવાના

બીજ વાવ્યું છે પ્રેમનું, તમેજ સિંચન કરવા આવવાના
મુરઝાઈ જશે તો ખીલશે નહિ, ના હસવામાં કાઢવાના

બહુ થયું હવે આવો કહેવું, જો સમજીને પાછા ફરવાના
આ છે કાચા રેશમની ડોર સાથી જોરાજોરીમાં તોડવાના

~ રેખા પટેલ ‘વિનોદિની’