આટલાં વર્ષો પછી…
આટલાં વર્ષો પછી એણે જબાન ખોલી;
તો બતાવ્યું મેં તરત મારું મકાન ખોલી.
રોજની જેમ જ બધા ઊભા રહી ગયા છે,
આયનાઓ પોતપોતાનું સ્વમાન ખોલી.
સાંભળ્યું છે આપણા ઘરની જ સાવ પાસે,
કોઈ સમય નામે વ્યપારીએ દુકાન ખોલી.
એ પ્રવેશ્યા એમ ઘરના વૃદ્ધ આંગણામાં,
જેમ ડાઘુઓ પ્રવેશે છે સ્મશાન ખોલી.
ક્યારનોયે થઈ ગયો છે યુદ્ધનો સમય ને-
હું હજીયે સ્તબ્ધ ઊભો છું કમાન ખોલી.
– અનિલ ચાવડા
Leave a Reply