Siddiq-Bharuchi-poetry-gazals-gujarati litrature
Gazal Gujarati

ઝબકવું છે સિતારાને

ઝબકવું છે સિતારાને હ્દયરૂપી ગગન આપો,
તમારો સાથ મેળવ્વા મહોબ્બતનું વચન આપો.

નથી માંગી શકાતી ક્યાંક મિત્રો દાદની ભિક્ષા,
હ્રદયને જીતવા માટે વિચારો પર વજન આપો.

હતી સોનાની ચીડીયા, વાઘ-બકરી સાથ ફરતા’તા,
હવે મુજને બનાવીને ફરી એવું વતન આપો.

તરત બોલી ઉઠે, પોતાની અંદરની દરેક ઈચ્છા,
અરે, ઓ દોસ્તો, સ્વાગત કરી સૌને સુમન આપો.

તમે થાકી ગચા હો, કંટકો રોપી, ચમનવાળા,
વતન ખાતર હવે સૌને મહોબ્બતનું ઈજન આપો.

હવે વિશ્વાસને,સાબિત કરવાનો સમય આવ્યો,
સીસીટીવીની, હર દિવાલને ‘સિદ્દીક’ નયન આપો.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.