Siddiq-Bharuchi-poetry-gazals-gujarati litrature
Gazal Gujarati

તને ભુલવાની

તને ભૂલવાની મથામણ કરે છે,
ખતા એક ચાહક અકારણ કરે છે.

સુખી છે પ્રજા તો સિયાસત બરાબર,
નહીં તો વતન પર એ ભારણ કરે છે.

હજી મૂળમાં ગઇ નથી એ તપાસો,
ગુનાહોને શંકા જ તારણ કરે છે.

ઉતરતી નથી વાત દિલના ગળામાં,
છતાં બુદ્ધિઓ તો શિખામણ કરે છે.

નવા ઘર,નવી શેરીઓ ને નવા જન,
રિવાયતમાં કેવી વિમાસણ કરે છે !

ગુનાહોની વસ્તી થવાનું છે કારણ,
નજર હર જગા’દોસ્ત’કામણ કરે છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.