Siddiq-Bharuchi-poetry-gazals-gujarati litrature
Gazal Gujarati

એજ તો છે..

એજ તો છે સજાગ રાખે છે,
આંધીઓમાં ચિરાગ રાખે છે.

શ્વાસ નામક દરેક આકાશો,
સાથ પાંણી ને આગ રાખે છે.

મારા જેવા બધા કલાકારો,
વસ્તી, વસ્તીનો રાગ રાખે છે.

આ હ્રદય પણ કબાટ જેવું છે,
હર વિષયના વિભાગ રાખે છે.

આ ચળકતા લિબાસમાં દેવો,
જે છુપાવી ને નાગ રાખે છે.

લાલ પીળા સ્વભાવની નગરી,
મોટા મોટા દિમાગ રાખે છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.