Gazal Gujarati

કોણ રોજ આંખોમાં

કોણ રોજ આંખોમાં ભરાઈ જગાવ્યા કરે છે
એક પગરવ થઇ શ્વાસમા સતાવ્યા કરે છે

રોજ મળવાને મને તરકીબ નોખી કરે છે
શબ્દ સંગાથે અટકચાળા બતાવ્યા કરે છે

હથેળીમાં થઈને રેખાઓ સળવળાટ કરે છે
ખેલ જુઓ તકરીરના કેવા બતાવ્યા કરે છે

એમને નોખુ થવાનું ના સહેજ પણ ગમે છે
કોઇ પણ બ્હાને મને વાતો કરાવ્યા કરે છે

એક ધારૂં લાગણીનું વણગણ તો બને છે
ને નકામી બેચેની પળેપળ વધાર્યા કરે છે

કોઇનું આંખોને ગમી જાવું સહજ વાત છે
કોઇ છે, એવા ચમન દિલમા વસાવ્યા કરે છે

ગઝલ કાવ્યો તો મારા રોજનાં સાથીદાર છે
ઝાલી મારા મનને તે કાયમ લખાવ્યા કરે છે

~ રેખા પટેલ ‘વિનોદિની’

Leave a Reply

This site uses Akismet to reduce spam. Learn how your comment data is processed.