Siddiq-Bharuchi-poetry-gazals-gujarati litrature
Gujarati

છાંય તો છાંય

છાંય તો છાંય પણ ખજૂર નથી,
વ્રુક્ષને કોઈની જરૂર નથી?

સર કરી લીધું સૌ હવાઓએ,
આંધીઓ માટે દિલ્લી દૂર નથી.

તેં છબીને ભલે ખરાબ કરી,
મારી બુદ્ધિયે બેકસૂર નથી.

દિલ સમંદર છે એમ જાંણ થઈ,
તારી હસ્તીમાં કેમ પૂર નથી?

આ હિમાલય અડગ છે સદીઓથી,
માનવીને , છે એ ગુરૂર નથી.

સીમ છે, જાત છે, ને લાચારી,
જીંદગી યંત્ર છે , મજૂર નથી.

સૂર્ય ઝાંખો પડી ગયો ‘ સિદ્દીક’,
ગમની મ્હેંફિલ છે,આજ નૂર નથી.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.