Siddiq-Bharuchi-poetry-gazals-gujarati litrature
Gazal Gujarati

આંધળો થઇ ને સતત

આંધળો થઇ ને સતત લલચાઉં છું,
ચૂંટવા લઈ જાય ત્યાં દોરાઉ છું.

વર્ગ ખંડોમાં જ હું સર્જાઉ છું,
ને પછી મેદાનમાં ભજવાઉ છું.

હું જ ખુરશીને ઘડીને મોકલું,
ને પછી બન્ને સભામાં આઉ છું.

ભાર સીટોનો જરા કમ થાય તો,
રાજધાની જઇ ઘણો વેચાઉ છું.

પાસ કરવા બીલ કે અવરોધવા,
બન્ને ગ્રૂહોમા જ હું દેખાઉ છું.

હું મદારી ને સદા કરતો વફા,
દવ રૂપે જ્યાં જ્યાં કહે ફેલાઉ છું.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.