Siddiq-Bharuchi-poetry-gazals-gujarati litrature
Gazal Gujarati

એ કહે ‘ આલીશાન ‘થઇ જાઉં

એ કહે ‘ આલીશાન ‘થઇ જાઉં,
હું ગઝલથી મહાન થઇ જાઉં.

એક જીદ છે,ધનિક ગણે અમને,
એ ચહે છે દુકાન થઇ જાઉં.

ભીંત ઘરની સુધાર માંગે છે,
વાત સુણવાના કાન થઇ જાઉં.

કોઈની જિંદગી બચાવી લઉં,
રણ મહિ જળનિશાન થઇ જાઉં.

એ ગુનાહગાર આંખ ઈચ્છે છે,
આજથી બેજુબાન થઇ જાઉં.

ઝૂંપડીને થયું નગર વચ્ચે,
હુંય વિકસી મકાન થઇ જાઉં.

શાંભળે ધ્યાન દઇને ‘સિદ્દીક’ને,
સત્યની એ અઝાન થઇ જાઉં.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.