Gazal Gujarati

નથી જોતાં મારે

નથી જોતાં મારે તારા ગાડી બંગલા વ્હાલા,
મારે તો તારા દિલ માં ઘર કરી રહેવુ વ્હાલા.

સેલા,પટોળા, રેશમી વસ્ત્રો ને શું કરુ?
મારે તો બસ તારા નામની ચુંદડી ઓઠવી વ્હાલા.

આ આભુષણો ના ઢગ મારે શું કામના?
મારે તો જોઇએ ચપટીક સિંદુર તારે હાથ વ્હાલા.

નથી જોતાં બત્રીસ પકવાન થાળ મારે,
તારો પ્રેમ જ ભવોભવ નુ ભાતુ વ્હાલા.

સાથ તમે આપો કે ના આપો જીવનડગર માં,
મારે તો તમારુ નામ જ કાફી છે જીવવા વ્હાલા.

શું કરુ આ દુનિયા ના સુખો નુ હવે હું?
મારે તો તારો પળભર નો સાથ જ સુખ વ્હાલા.

સાંભળો ને સમજી શકો તો એક વાત કહું?
કાજલે કયોઁ છે પ્રેમ તુજ થી જ વ્હાલા.

~ કિરણ પિયુષ શાહ ‘કાજલ’

Leave a Reply

This site uses Akismet to reduce spam. Learn how your comment data is processed.