Gazal Gujarati

કદાચિત્ ને લગભગ

કદાચિત્ ને લગભગ ને અથવાની વચ્ચે.
આ હોવું દલીલો ને દાવાની વચ્ચે.

નથી નોંધ લીધી એ ઘટનાની વચ્ચે
કશું તો ખૂટે છે ઉમળકાની વચ્ચે.

જવાબો એ એથી નથી સ્વસ્થ જન્મ્યા,
સવાલો છે મનના ઉધામાની વચ્ચે.

પછી તેજનો અર્થ સમજાયો સાચો,
મેં ગુલમ્હોર જોયો જ્યાં તડકાની વચ્ચે.

બધી શાન, શૌકત ને મહિમા ય રહેશે,
નદી જ્યાં સુધી છે કિનારાની વચ્ચે.

પમાશે ઘણું ને ઘણું બાદ થાશે,
કશું યે નથી ના ખુલાસાની વચ્ચે.

મેં ફૂલો સમી રાખી જાહોજલાલી,
બધી મોસમોના ઉતારાની વચ્ચે.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.