Gazal Gujarati

એમ અંતે મેં દાવ લઈ લીધો

એમ અંતે મેં દાવ લઈ લીધો.
એક જણનો અભાવ લઈ લીધો.

એ ખુશી પર લગામ રાખે છે,
એટલે બસ, તનાવ લઈ લીધો.

એમણે ‘આવજો’ કહ્યું, ત્યાં તો,
સાંજનો મેં સ્વભાવ લઈ લીધો.

એક ટહુકાને ડાળ પર મૂકી,
પાનખરનો પ્રભાવ લઈ લીધો.

જે હતો આંખમાં ને હૈયામાં,
શબ્દમાં એ લગાવ લઈ લીધો.

~ લક્ષ્મી ડોબરિયા

Leave a Reply

This site uses Akismet to reduce spam. Learn how your comment data is processed.