‘વિશ્વ કવિતા દિવસ’ નિમિત્તે

કવિ કે કવિતાનો ક્યાં કોઈ દિવસ હોય છે
કવિ તો બસ ભાવનાઓને જ વશ હોય છે

સંવેદના,વિરહની બીમારીથી પીડાય છે સતત
પાણી હોય ગરમ તોય કવિને ખસ હોય છે

દાદ, તાળી, લાઈક,ફોલો ને શેર નો છે ભૂખ્યો
કાવ્ય સાંભળે એ ઇનામ કવિને બસ હોય છે

સરસ્વતીનો છે ભક્ત માટે લક્ષ્મી તો અળગી
કાવ્ય માટે વેચાવામાં ટસ નો ના મસ હોય છે

હીરામાં કોલસો ને કોલસામાં હીરો જુએ એ
વ્યવહારું જગ ફોરવર્ડ ને કવિ રિવર્સ હોય છે

પ્રભુ સાવ હાથવગો,પ્રભુજન એથી જ અળગા
તાદુંલી કવિનાં ભાગ્યમાં લુખ્ખો જશ હોય છે

~ મિત્તલ ખેતાણી