આંખો પણ આંખોમાં ઉત્તર રાખે છે,
ઈશ્ક કરો તો સપના સુંદર રાખે છે.

શાળાને સરકારે ફતવો આપ્યો છે,
કોણ વજનથી ભારે દફતર રાખે છે?

રોજ નવા કપડાં બદલે છે, એ રીતે,
લાલચ કેવા કેવા ઈશ્વર રાખે છે!

શહેરમાં મારા ‘તાળી મિત્રો’ સધ્ધર છે,
મળવામાં કંજુસી, અંતર રાખે છે.

પ્રાણની આહૂતિ આપીને આ વ્રુક્ષો,
કાતિલનો પણ ઘરમાં આદર રાખે છે.

વ્યવહારો સાચવ્વા ‘ સિદ્દીક’ સંબંધો,
બેમતલબના મીઠા અવસર રાખે છે.

~ સિદ્દીક ભરૂચી