ગરજે ગધેડાંને બાપ કહેવાનું નહીં ફાવે

પુણ્યનાં નામે પાપ કરવાનું નહીં ફાવે
મન વગરનાં જાપ કરવાનું નહીં ફાવે

ગરજ હશે તોય અમે ગરજવાનાં જ
ગરજે ગધેડાંને બાપ કહેવાનું નહીં ફાવે

ખુમારીની કાળરાત્રીનાં કરીશું પોંખણા
અપમાન સહી તાપ કરવાનું નહીં ફાવે

કમળપુજાથી હું સ્વાગત કરીશ મિત્રોનું
પીઠ પાછળ કાપ કરવાનું નહીં ફાવે

છે અસ્તિત્વ સમસ્ત એ કુટુંબ મારું
મારાં-તારાંનું માપ શીખવાનું નહીં ફાવે

સમય, સંજોગોએ સ્ટેન્ડ રહેશે સમાન
ગોડ ને ફાધર બદલવાનું નહીં ફાવે

~ મિત્તલ ખેતાણી