જીવન તો ‘બેક ટુ સ્ક્વેર વન’ જ છે

સુખ કે દુઃખનું કારણ તો મન જ છે
પીડા,શોકનું નિવારણ તો મન જ છે

બેબી ડાઇપરથી એડલ્ટ ડાઈપર સુધી
જીવન તો ‘બેક ટુ સ્ક્વેર વન’ જ છે

સમગ્ર બ્રમ્હાંડે એ કરન્સી ચાલશે જ
સત્ય,પ્રેમ,કરુણા એ સાચું ધન જ છે

મૃગજળની શોધમાં જ છે સૌ તરસ્યાં
ગંગાજળનાં ભાગ્યમાં તો રણ જ છે

રામરાજ્યમાંય સ્થપાશે રામરાજ્ય?
કે પછી લવકુશનાં ભાગ્યમાં વન જ છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)