આ બ્રમ્હાન્ડમાં બંધુનો દુશ્મન હજું ય બંધુ છે

જેની પાસે ખોવાંને માટે ક્યાં, કૈ કશું છે
દેવાં માટે એટલે જ તો તેની પાસે બધું છે

પહેલાં સાધુનાં રૂપમાં આવવું પડ્યુંતું રાવણને
હવે તો રાવણનાં રૂપમાં ક્યાંક ક્યાંક સાધુ છે

બાદબાકી કરતાં સરવાળો સદાય છે ફાયદામંદ
એક અને એકનો ‘ગુણા’કાર જ સૌથી વધુ છે

રામાયણ,મહાભારતે ભલેને જીતી રીતિ,નીતિ
શકુનિત્વ,મંથરાત્વ હજું ય વિશ્વમાં ખંધુ છે

બહારનાં કોઈને ક્યાં ખબર હોય નાભિરાઝની
આ બ્રમ્હાન્ડમાં બંધુનો દુશ્મન હજું ય બંધુ છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)