પાંચીયું પાવલીની ટીકા કરે છે

પાંચીયું પાવલીની ટીકા કરે છે
વાટકો અહીં તપેલીની ટીકા કરે છે

કરવું છે જ ક્યાં કોઈને સ્વમુલ્યાંકન
ઝુંપડી જુઓ હવેલીની ટીકા કરે છે

દોસ્ત જ હોય છે બહુધા દુશ્મન
સહેલી જ સહેલીની ટીકા કરે છે

ભૂલીને પોતાનું સ્તર,સ્થાન,લાયકાત
રાજા ભોજ ગંગુ તેલીની ટીકા કરે છે

મોટાં મૂલ્યની નોટ તો રહેશે મૌન જ
અવાજ તો બસ સિક્કા કરે છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)