સહજ થવું એ જીવનમાં સાચે અસહજ હોય છે

ગજનું ગજ અને મહત્વ રજનું રજ હોય છે
સહજ થવું એ જીવનમાં સાચે અસહજ હોય છે

પાથરવાંની સાથે સંકેલી ય લેજો જાતને સમયસર
છેલ્લે સોંપવાની,કબ્જાની,ઝુંટવવાની લપ હોય છે

જાગવું,માંગવું,ભાગવું પડે છે ભગવાનને ભક્ત માટે
કેવટ,શબરી,વિદૂર,સુદામાની જ સાચી વગ હોય છે

નહીં તો એ બધાં કહેવાય કપડાંનાં કટકાંનાં દેખાડાં
ખમિરી,ખુમારી,ખંતનો ધ્વજ સાચો ધ્વજ હોય છે

સંતાનો બહુધા હોય છે દરિદ્ર,મધ્યમવર્ગનાં ભાગ્યે જ
શ્રીમંતાઇનાં ભાગમાં તો વારસાની જ બગ હોય છે

ઓવારણાં,મીઠડાં હોય છે દીકરીનાં બાપનાં ભાગ્યમાં જ
ભલેને પછી બાપને કરૂણ મંગળ કન્યાદાનનો રંજ હોય છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)