જવાબદારી પહેલાં લેજો,હક્ક આપોઆપ મળશે

જવાબદારી પહેલાં લેજો,હક્ક આપોઆપ મળશે
પુરુષાર્થ પહેલાં કરી લેજો, લક આપોઆપ મળશે

શક્તિ એ જ એક માત્ર માપદંડ છે આ સ્વાર્થયુગમાં
નિસ્વાર્થ ઉપયોગી થશો સૌને,વગ આપોઆપ મળશે

તક આવે એનાં કરતાં જાય ત્યારે જ લાગે વધુ મોટી
બસ ઝડપતાં શીખતાં રહેજો,તક આપોઆપ મળશે

નિષ્ફળતા સમયે જાતે જ બનજો જાતનું મોટિવેશન
સફળતા મળી જાશે પછી તો,બક આપોઆપ મળશે

રાજહંસ જ આવે એવું માનસરોવર બનવા મથજો
કૂવો-ખાબોચિયું જ રહેશો તો,ડક આપોઆપ મળશે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)