દરેક સવાલનો જવાબ ગુગલ નથી હોતું

દરેક સવાલનો જવાબ ગુગલ નથી હોતું
દરેક એકત્રીકરણ એ યુગલ નથી હોતું

મોટાંભાગનાં યુદ્ધ થાય છે મનની અંદર
દરેક લડાઈમાં હવે બ્યુગલ નથી હોતું

બની ગઈ એ એની એવી નિત્ય ઘટના
રુદાલી નાં ભાગ્યમાં રુદન નથી હોતું

વેચવાં પડે ફુગ્ગાઓ એણે બચ્ચાઓને
ઝૂંપડે જન્મનારને બાળપણ નથી હોતું

છેતરે છે કાગડાંને એ ખુદનાં ઈંડા મૂકીને
કોયલનાં ભાગ્યે તેથી શ્રવણ નથી હોતું

વૃક્ષો કાપીને પછી ફાર્મ હાઉસ ગોતે છે
શહેરનાં ભાગ્યે તેથી જંગલ નથી હોતું

– મિત્તલ ખેતાણી