એકલવ્ય કળિયુગની પરીક્ષામાં ફેઇલ છે

જયાં જુઓ ત્યાં અપેક્ષાનો કાળો કેર છે
જયાં જુઓ ત્યાં તૂટેલા સપનાંનો ઢેર છે

ન દેવ,ન દાનવ ,માટે જ તો છે ત્રિશંકુ માનવ
રામનાં ભાગ્યમાં એટલે તો વનની સહેલ છે

સ્વ નાં ગણિત મુજબ જ ગણે શુભ અશુભ
આંકડો તો આંકડો છે એ પછી નવ કે તેર છે

સ્ત્રી,પુરુષ કે ન્યાયતર એ બીજું કૈં જ નથી
બસ માંસનાં લોચાંની ગોઠવણીનો જ ફેર છે

કરે છે ગુરુઆજ્ઞા માટે લક્ષ્યવેધ તેથી જ તો
એકલવ્ય કળિયુગની પરીક્ષામાં ફેઇલ છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)