જીવ ગુરુ ને પ્રભુમાં ક્યાં ભરોસો રાખે છે?

જગતનાં દગા,દ્વેષ, દમન પ્રત્યે તો રોષો રાખે છે
પણ,જીવ ગુરુ ને પ્રભુમાં ક્યાં ભરોસો રાખે છે?

ઉત્તરમાં ઉતર મળી જ જાય જો શોધો ભક્તિથી
ને એવું ય નથી પ્રભુ દક્ષિણમાં માત્ર ઢોસો રાખે છે

કમળને સાવ ચૂકી જાય છે ચર્મમળને ભોગવવામાં
જીવ કાદવ જ ચુંથે છે ને એમાં જ લોચો માને છે

કેવી અદ્ભૂત રચના પ્રભુની પૃથ્વી અને ગ્રહો તણી
લાગે સૌ એકસરખા ને તોય જુદાં જ કોષો રાખે છે

સ્વર્ગ પણ નાનું પડે નહીં તો બધાં દેવોને સાચવવાં
મનુષ્ય જ રાખવાં ભક્તને, માયારૂપી દોષો રાખે છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)