જાત સાથે જાતને આકરી રાખજો

લક્ષ્યને જ સદા સર્વોપરી રાખજો
ઈશ્વરને સૌથી ઉપર ઉપરી રાખજો

મળતો જ રહે સદા કર્તવ્યનો નકરો
સત્ય,પ્રેમ ને કરુણા નકરી રાખજો

હાથી ને સિંહની ય સવારી થઈ શકે
દર્દી,દરિદ્ર,વૃદ્ધ સામે બકરી રાખજો

ભાગેને જગ જ્યાં પૂંઠ ફેરવીને ત્યારે
જાતને સિદ્ધાંત સાથે જકડી રાખજો

અન્યને માટે તો રહી શકાય લવચિક
જાત સાથે જાતને આકરી રાખજો

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)