જગમાં ક્યાં કઈ નક્કી છે

અફવા, ધારણા, અપેક્ષા,તર્ક ને વકી છે
નક્કી એ છે કે જગમાં ક્યાં કઈ નક્કી છે

સંભવશે યુગે યુગે અને બચાવી લેશે જ
સજ્જનતા એ જ આશાએ તો ટકી છે

કહો કયામત કે પછી કહો એને કર્મસતા
હિસાબ કરવામાં તો અસ્તિત્વ જક્કી છે

નબળો હોય ને એ વ્હાલો હોય વ્હાલાંને
કુટુંબનાં સબળા માટે નબળો જ લકી છે

ઘડી જો ભીંજવે શકેને તો ઠીક,બાકી તો
આશાની ઝાકળ પર હકીકત ખાબકી છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)