જીવવું છે તો જોયાં કરો – જતું કરો

જે ઉંધુ જ છે ને એને તમે ચતું કરો
જીવવું છે તો જોયાં કરો – જતું કરો

લોકપ્રિય થવું કે પ્રભુપ્રિય નક્કી કરી લ્યો
વ્યવહારિકતાનું ના કદીય તમે મતું કરો

એ તો પ્રથમ જ શરત છે ને સુધારાની
જે છે,જેવું છે ને જેમ છે તેમ છતું કરો

બાદબાકી તો કરે જ છે આ જગમાં સૌ
તમે ૧ ને ૧ એટલે ૧૧ એ વાળું વતું કરો

સોંપી દયો પ્રભુને તો બાજી થશે એની
અસ્તિત્વ નિમિતે જ જીવનનું પતું ધરો

સૂચનની લવારી કરવામાં જ મસ્ત છે સૌ
અમલ જ કરો તમે ને જે કંઈ ઘટતું કરો

– મિત્તલ ખેતાણી