હક્ક પ્રત્યે તર્પણ ને જવાબદારી માટે માલિકી આપજે

હક્ક પ્રત્યે તર્પણ ને જવાબદારી માટે માલિકી આપજે
હાસ્ય પાછળનું આંસુ ભીંજવે ને એ બારિકી આપજે

ચર્મ ચક્ષુ તો થાપ ખાય જાય છે ઓળખવામાં બહુધા
પરમ સત્ય ને જ પારખી શકું એ પ્રજ્ઞાની કીકી આપજે

દરિયામાં ન નાંખી શકું ને મોહ રહે ભલે ને નામ-કામનો
કરી હોય ને તેટલી જ બતાવું એવી મને નેકી આપજે

નીકળી પડેલાં સમાજસુધારકોને જ છે સુધારની જરૂર
જાત ને જાતે જ સુધારતાં સ્વ વિવેકની રેકી આપજે

પળે પળે પ્રગટું, પ્રસરી શકું અન્યનાં આંસુને લૂંછવામાં
જાતની પીડા ધરબવા જીવનનાં વાહનમાં ડેકી આપજે

– મિત્તલ ખેતાણી