શીખવાડવા એ જ મથે છે જેને કંઇ આવડતું નથી

આપવાની વૃત્તિવાળાનું તો કદી કંઇ જ જતું નથી
શીખવાડવા એ જ મથે છે જેને કંઇ આવડતું નથી

હસશે,ફેંકશે ને એવું કૈક થવાનું જ છે વ્યવહારમાં
જગતમાં જોકરથી મોટું તો કોઈ પણ પતું નથી

પાપી નહીં તો પુણ્યનાં અહંકારનો હશે જ વ્યસની
એવો કોઈ પાક્યો જ નથી જેને કોઈ જ લતું નથી

એ ખોટી કથા છે કે ભગવાંથી જ મળે છે ભગવાન
ધર્મક્ષેત્રે તો ગૃહસ્થી ધર્મથી મોટાં કોઈ મહેનતુ નથી

પ્રેમનાં એઠાં તાંદુલ,ભાજી,બોર ખાવા ઝુરે છે ઈશ્વર
છપ્પનભોગ કે વિલાસમાં તો ક્યાંય પ્રભુનું મતું નથી

– મિત્તલ ખેતાણી