કન્યાનાં આત્માને પિયરનું જ વળગણ છે

ના હવે સીતાને આ ભૂમિમાં અન્નજળ છે
છે તો બસ માત્ર અને માત્ર મૃગજળ છે

જે દયે છે અગ્નિની પરીક્ષા ય સહજતાથી
તેનો જ ધરામાં સમાવેશ સફળ સુફળ છે

સૌ રોકતાં હોય ત્યારે જ સ્થાન સોંપી દેવું
કાઢે તેની રાહ ન જોવામાં શાણપણ છે

કડવો માણસ ને કડવી દવા જ હોય શ્રેષ્ઠ
ઝેરથી પણ ઝેરીલું તો આ ગળપણ છે

પાંખ ન હોય તો પણ ઉડે જ છે ને સ્વપ્ન
ઉગવું જ હોય તેને ક્યાં કૈં બંઝર છે

છોને આપી વિદાય પિતા જેવાં પિતાએ
કન્યાનાં આત્માને પિયરનું જ વળગણ છે

-મિત્તલ ખેતાણી