આપીને જેઓ છાંયડા ગુમનામ થઇ ગયા,
એ વ્રુક્ષ નવ્ય પેઢીના પૈગામ થઇ ગયા.

અંધાર દૂર કરવા નીકળ્યા’ તા જે ચિરાગ,
એક ઘર જલાવી શહેરમાં બદનામ થઇગયા.

જેના ઉપર ભરોસો હતો એ જ રાહબર,
આંખોમાં ધૂળ નાખીને નીલામ થઈ ગયા.

જે દુશ્મનીનું નામ હવે દોસ્તી થયું,
શહેરો કહી શકાય , બધા ગામ થઇ ગયા.

તારી જ એક “હા” અને મારા સ્વિકારથી,
પ્રશ્નો ઊભા થયા પછી નાકામ થઇ ગયા.

કોણે મદિરાલયમાં ફરી વિષ ઘોળ્યું,
જોતાં જ અમને ,ખાલી દરેક જામ થઇ ગયા.

મુખ ઢાંકવાને પહેર્યુ , એક ચંદ્રએ હિજાબ,
ચારે તરફથી કંટકો બેફામ થઇ ગયા.

– સિદ્દીક ભરૂચી | Siddiq Bharuchi