ગઝલ…નીકળી

દીપ ઓલવ્વા હવાઓ નીકળી,
લોક સમજ્યા કે વષંતો નીકળી.

માણસો ઓછા હતા પણ એ જગ્યા,
સર્વ ધર્મોની કિતાબો નીકળી.

ઓટલા પર ચાર શું ભેગા થયા,
કામની જગ્યાએ વાતો નીકળી.

પાગલોની આંખ ત્યાં ચોંટી ગઈ,
ખૂબ સુંદર એક ખુશ્બો નીકળી.

આ નવા ભારતના શમણાનો સમય,
એક એક ઘરમાંથી ચીસો નીકળી.

જેણે કહ્યું: કે “તમે ઘરમાં રહો”,
એ જ કહેશે ઘરથી ભાગો નીકળી.

કેટલું સુંદર નગર છે, દોસ્તો!
નાની બાબતમાં મશાલો નીકળી.

– સિદ્દીક ભરૂચી | Siddiq Bharuchi