આ સૃષ્ટીનો રચેયતા આજ ઈશ્વર કવિતા વાંચે છે.
તિમિરથી લઇ ધરા મહાલતી ઈશ્વર કવિતા વાંચે છે

એની શાબ્દિક નજરોથી મીઠા મધુરા ટહુકા ઝરે છે
પંખીઓ સૂર તાલ પુરાવે આ ઈશ્વર કવિતા વાંચે છે

પતંગિયા પાંખો હલાવી તહી હળવેક તાલી ભરે છે
આભે વાદળાં બહુ ધૂમ મચાવે ઈશ્વર કવિતા વાંચે છે

ફૂલ પત્તીઓ પાછળ સંતાય, ને કળીઓ ધીરે ખુલે છે
હૈયે હૈયા બહુ જોડાય જ્યાં ઈશ્વર કવિતા વાંચે છે

અંતરના આનંદ સંગે જડચેતનનાં તનમન ઝૂમે છે
ઝરણું પણ નિર્ભીક થઇ દોડે ઈશ્વર કવિતા વાંચે છે

~ રેખા પટેલ ‘વિનોદિની’