પુરુષ કે સ્ત્રી? કે નપુંશક જાતીમાં ગણાવે.
તે ભલે ગમે હોય પણ ભલભલાને બિવરાવે,

આ જમાનો અંદર બહાર થરથર ધ્રુજાવે…
તેની હા માં હા ભણીને ચાલો તો હસાવે.

જરાક મનગમતું કરવા જો જાઓ તો રડાવે.
આ જમાનો કાયમ તેનું ધાર્યું કરાવે ….

ચઢો ઘોડે હેઠે ઉતારે, નીચે ઉતરો તો ચડાવે,
માથે ચડાવી ફેરવે, સહજમાં ધૂળ ધાણી કરાવે.

આ જમાનો બહુ પાખંડી થઇ બતાવે…
સાથે રહેતાને ધકેલે દુર, દુર ને પાસ ખેચી લાવે

વાણીમાં મધ ઘોળીને કેવા કડવા ઝેર પીવરાવે
આ જમાનો ઘોળા દિવસે તારા ગણાવે ….

~ રેખા પટેલ ‘વિનોદિની’