આંખની પુતળી ની તારી જો કરામત
પડતી જેના પર થતી એની શહાદત .

પ્યાર કરવાના ગુનાની કર સજા તું
રાખ દિલ ની જેલમાં, ના કર જમાનત.

છોડ લીલોછમ આ ક્યાંથી ગ્યો વિલાઇ!
જોઈ ગ્યો કે શું તારી કોઈ નજાકત ?

ચાંદની ઉપમા તને આપે બધા અહિ
કરવી પડશે ચાંદની મારે ખુશામત.

છોડતી નહિ કોઈ બ્હાના થી મને તું
આંસુ મારાં નહિ તો આ કરશે બગાવત.

જર્જરિત ખંડેર જેવો હું ઉભો છું ,
સ્પર્શ તું આવી ને કર મારી મરામત.

રણ સમાં ભેકાર આ જીવનમાં મારા
આવે જો તું, તો બને મારી રિયાસત.

~ ડૉ. કૃણાલ પટેલ