દોસ્તીની આડમાં જ તો ભોરિંગ સુતેલા હોય છે

સપનાઓ હકીકતની જેલે જ ખિંટેલા હોય છે
રતન પણ બહુધા ચિંથરે જ વીટેલા હોય છે

ચકાસતા રહેજો સામાન,શૈયા ને સાથીદારો પણ
દોસ્તીની આડમાં જ તો ભોરિંગ સુતેલા હોય છે

છો રહ્યાં આધ્યાત્મ,અસ્તિત્વનાં એ સીધાં વારસદાર
સ્વપ્નદ્રષ્ટાઓ વ્યવહારે જુઓ સાવ તૂટેલાં હોય છે

એટલે જ પ્રભુએ આશરો લીધો તો પશુપક્ષીઓનો
રાવણયુદ્ધ સમયે માણસો તો સાવ ફૂટેલાં હોય છે

અંત સમયે ઝુરે છે મનુષ્ય જેનાં માટે જીજીવિષાથી
તે હાથે જ છોડેલા ને પાલવથી જ છુંટેલા હોય છે

– મિત્તલ ખેતાણી
(મિત્તલ ખેતાણી નાં કાવ્ય સંગ્રહ ‘स्वान्तः सुखाय’માં)