માવતરનાં ભાગ્યને ફાધર્સ ને મધર્સ ‘ડે’ મળે છે

એક ને પણ ના માંગો ને તોય એ બે મળે છે
દુર્ભાગ્ય તો દલા તરવાડી ની જેમ ‘લે’ મળે છે

આકસ્મિક ખુશી ક્યાં માંગી તી વાસ્તવિકમાં?
જેને જેવું ને જે જોઈએ તેને ક્યાં તે મળે છે

વ્યક્ત થાય છે એ એકલતાનાં ડૂસકાંઓમાં જ
લાગણીને કદી ક્યાં કોઈ અક્ષર દેહ મળે છે

ભાષા એ છે આ કે બોલે સૌ,સમજે ના ઉભય
આંતરનાદને પ્રતિભાવ તો ઘેટાંનો ‘બેં’ મળે છે

રડતી રહે મમતા ૩૬૪ દિવસ આ એક દિ માટે
માવતરનાં ભાગ્યને ફાધર્સ ને મધર્સ ‘ડે’ મળે છે

-મિત્તલ ખેતાણી