સિંહ જ્યાં બેસે તે જ તો સિંહાસન હોય છે

જેને માત્ર સ્વપ્નોનું જ વ્યસન હોય છે
ચરણોમાં તેનાં જ તો ઇન્દ્રાસન હોય છે

પદથી નહીં પ્રતિભા,પ્રદાનથી મળે ઓળખ
સિંહ જ્યાં બેસે તે જ તો સિંહાસન હોય છે

સેવા કરે,કરાવે અને સેવાની અનુમૉદના કરે
સાર્થક માત્ર તેનું જ તો જીવન હોય છે

માઁ,માતૃભૂમિ પહોંચશે તો જ પરમ વૈભવે
જો કર્તવ્ય ચરણોમાં તન,મન,ધન હોય છે

અબજો આવ્યાં ને ગયાં પછી સાવ ગુમનામ
અમર એ કમળપૂજામાં જેની ગરદન હોય છે

– મિત્તલ ખેતાણી