પ્રભુ! મને કદીય ના તું વિકલ્પમાં રાખજે

અશક્ય મહાયજ્ઞનાં જ તું પ્રકલ્પમાં રાખજે
પ્રભુ! મને કદીય ના તું વિકલ્પમાં રાખજે

વિભીષણ-રાવણ જેવો ભાઈચારો નહીં જ
કર્ણ-દુર્યોધન સમી મૈત્રીનાં સંપમાં રાખજે

આપજે ઠાંસી ઠાંસીને નિ:સ્પૃહતા,કરુણા
વ્યવહારિકતા ભલે ને તું અલ્પમાં રાખજે

નથી જ બનવું માયાપતિનાં શીશનું પુષ્પ
જાત બાળીને તિરથનાં મને ધૂપમાં રાખજે

હસ્તિનાપુર,અયોધ્યા યથાયોગ્યને મુબારક
મને જટાયુ,વિદૂર, શબરીનાં રૂપમાં રાખજે

‘વર્તમાન’પત્રોની ભૂતકાળવી પસ્તીમાં નહીં
શિલાલેખોની અજર, અમર બુકમાં રાખજે

– મિત્તલ ખેતાણી