Mittal-khetani-poetry-gazals-gujarati litrature
Gazal Gujarati Poet's Corner Writers Space

મોક્ષનાં નામે મને તું લબડાવતો નહીં

અંતરને પ્રભુ તું અભડાવતો નહીં
માયામાં મન મારું તું પકડાવતો નહીં

હિમાલય તારો તને જ મુબારક પ્રભુ
મારાં ગિરનારેથી તું છટકાવતો નહીં

બે આંગળ ઊંચો ભલે ને હું ન રહું
સત્ય રથથી મને તું ગબડાવતો નહીં

હું માનવ બનતો રહું બસ માનવ જ
મોક્ષનાં નામે મને તું લબડાવતો નહીં

મોજ, કરુણા, પ્રેમને વહેંચી શકું હું
આટલાં ઓરતાને તું દફનાવતો નહીં

તાંદુલ, ભાજી, બોરની જ ઉતરાઈ ખપે
હૂંડી મારી આ પ્રભુ તું ઠુકરાવતો નહીં

કાઢ્યાં એટલાં ક્યાં કાઢવાનાં છે હવે
સનાતન સિવાય તું સમજાવતો નહીં

~ મિત્તલ ખેતાણી

Leave a Reply

This site uses Akismet to reduce spam. Learn how your comment data is processed.