Siddiq-Bharuchi-poetry-gazals-gujarati litrature
Gazal Gujarati

વાળી, દાબીને ગમે તેવું લખો?

વાળી , દાબીને ગમે તેવું લખો?
હે કલમકારો!, ગઝલ જેવું લખો.

આંખની લાલાશ કે ‘તી કોઈને,
એમ નહિ, પણ હું કહું એવું લખો.

શે’રમાં પોતાનું જે મોઢું જુએ!
એ સમયને આપતો કેવું લખો!

રાતનું ભારણ છે , જે માથા ઉપર,
શબ્દ રૂપે એ બધું દેવું લખો.

જે વિશેષણ વાપરો ગમશે મને,
એ રીતે ચાહો અને એવું લખો.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.