Siddiq-Bharuchi-poetry-gazals-gujarati litrature
Gazal Gujarati

લાજને એમ તાર તાર ન કર

લાજને એમ તાર તાર ન કર,
માણસાઈનો ખુદ પ્રચાર ન કર.

દોસ્તી જે નિભાવી ના જાણે,
દિલતો શુ હાથનો વિચાર ન કર.

ફૂંક કાફી છે તારી ‘ વસ્તીમાં’,
એ રીતે ઈશ્કમાં દરાર ન કર.

ફૂલ છું સાવ નોખી ખુશ્બોનો,
ગર્વના મહેલમાં શુમાર ન કર.

કોઈ પેઢી હિસાબ નહિ ચૂક્વે,
આ ગઝલમાં કશું ઉધાર ન કર.

જગનો રક્ષક છે ગર મુસલમાં છે,
તુ ગુનાહોનો માથે ભાર ન કર.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.