Siddiq-Bharuchi-poetry-gazals-gujarati litrature
Gazal Gujarati

એજ મૂરત ખતા નથી કરતી

એજ મૂરત ખતા નથી કરતી,
બાળથી બેવફા નથી કરતી.

હોઠ ગુસ્સો કરે, છતાં ક્યારે,
માં,કદી બદદુઆ નથી કરતી.

ખુદ મરી જાય પણ ન મરવા દે,
મોજ આપે, મજા નથી કરતી.

ચાંદ,સૂરજ ભલે ગણે ઈશ્વર,
પુત્ર મોટા સદા નથી કરતી.

પુત્ર જ્યારે પરત ન આવે ઘર,
ઊંઘ સાથે વફા નથી કરતી.

સ્વર્ગની એ જ કૂંચી છે ‘સિદ્દીક’,
એવી કઇ’ માં’ દયા નથી કરતી?

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.