Gazal Gujarati

આવ્યા

કોનું આભ ઉલેચી આવ્યા?
ક્યાં જઈ પાંખો પહેરી આવ્યા?

હળ જેવી આ આંખો લઈને,
કોને જઈને ખેડી આવ્યા?

વિધિએ જે કંઈ લખ્યું ચોપડે,
અમે જઈને ચેકી આવ્યા.

મ્રુત્યુ પણ પ્રેમાળ ઘણું છે,
હમણા એને ભેટી આવ્યા.

સ્વપ્ન દીધાં’તાં બે-ત્રણ તમને,
એ પણ જઈને વેચી આવ્યા?

ડૂસકાઓનું પૂછી રહ્યા છો?
એ પેઢી દર પેઢી આવ્યાં.

– અનિલ ચાવડા

Leave a Reply

This site uses Akismet to reduce spam. Learn how your comment data is processed.