Gujarati Poetry

કાશ.. હુ મન ની વાત ને

કાશ..
હુ મન ની વાત ને શબ્દો નુ રુપ આપી શકુ?
મન ના વમળ ને હુ સમજાવી શકું?
કાશ…

કયારેક મૌન સમજી શકાય.
આ આંખો ની ભાષા સમજાય
હૈયા માં ઉઠતા તરંગો પરખાય.
અરે! મને વિચારો ની સ્વતંત્રતા.
જન્મસિધ્ધ અઘિકાર…..
આ વચ્ચે દસકા નું અંતર…
મારી આઝાદી ને ખપાવે સ્વચ્છંદતા માં .
કાશ…

સમજાય પરિવતઁન નિયમ સંસાર નો.
આજ ની બગાવત માં હોય ભાવી ની આઝાદી?
મન મારુ કરે વિચારો નો વિચાર .
કે આ દૃષ્ટિ ભેદ જ કે સમજ નો ફેર ?
કાશ..

બનુ પક્ષી ઉડુ મુક્ત ગગન…ના કોઇ નિયમ કે બંધન.
“કાજલ” સ્વૈરવિહારી સ્પર્શ ધરતી ને.
ફર પાછી સ્વ બંધન માં છોડી તારુ આ કાશ…

~ કિરણ પિયુષ શાહ ‘કાજલ’

Leave a Reply

This site uses Akismet to reduce spam. Learn how your comment data is processed.