Siddiq-Bharuchi-poetry-gazals-gujarati litrature
Gazal Gujarati

‘શેખચલ્લીના’ ખ્વાબ સમજે છે

‘શેખચલ્લીના’ ખ્વાબ સમજે છે,
જે ગઝલને શરાબ સમજે છે.

એ પ્રગટ થઇ ગઈ શું છાપામાં!
પદ્મશ્રીનો ખિતાબ સમજે છે.

કોઇ ‘ ફોરમ ‘ નથી પરખતો પણ,
દોસ્ત, સૌને ગુલાબ સમજે છે.

લક્ષ મારા તરફ હું રાખું છું,
લોક ખુદનો જવાબ સમજે છે.

ખુબ સુંદર જગતને – સારા લોક,
કેમ આજે ખરાબ સમજે છે?

એ ભલે પહેરતા નથી બુરખા,
પણ, વધારે નકાબ સમજે છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.