Mittal-khetani-poetry-gazals-gujarati litrature
Gazal Gujarati

પથ્થર થશો તો લોકો પૂજવા  માંડશે

કળિયુગમાં પાડા પણ દુઝવા લાગશે
પથ્થર થશો તો લોકો પૂજવા માંડશે

કહેશો મિત્રોને તો દર્દ એ વધારશે
દુશ્મનોની દવાથી ઘા રૂઝવા માંડશે

પ્રથમ પગલું તો માંડ મંઝિલ ભણી
બીજું પગલું તરત સુઝવા માંડશે

ચાલી તો જો સત્ય, પ્રેમ, કરુણા રાહે
પ્રભુ પણ તને પછી ભજવા માંડશે

ચાહી તો જો એને ચાહતની હદ સુધી
અસ્તિત્વ તમને મેળવવા મથવાં માંડશે

ના બાંધશો બહું માયા પારકી થાપણે
દીકરીની જાત પળેપળ વધવાં માંડશે

~ મિત્તલ ખેતાણી
( કાવ્ય સંગ્રહ ‘શબ્દ ઘેર આનંદ ભયો’ માંથી )

Leave a Reply

This site uses Akismet to reduce spam. Learn how your comment data is processed.