Siddiq-Bharuchi-poetry-gazals-gujarati litrature
Gazal Gujarati

દુશ્મન

દુશ્મનોને પણ દયા ઓછી મળી,
પ્રેમની ભાષા જરા ઓછી મળી.

દર્દની વાચા હજી લાચાર છે,
દર્દને આજે દવા ઓછી મળી.

એક માથાનુ દરદ પહોંચી ગયું,
આગને ક્યારે હવા ઓછી મળી ?

આ સુગંધ ચારે તરફ પ્રસરી જતે,
પણ મહોબ્બતને દુઆ ઓછી મળી.

ખીલતાં પહેલા જ મૂર્જાઈ ગયું,
ફૂલને તારી વફા ઓછી મળી.

બદ્દુઆ આપી જતો રહ્યો ફકીર!,
ભીખ પૈસાની જરા ઓછી મળી.

ગર્વ, ઈર્ષ્યા, ગ્રૂપની આ દોડમાં,
પ્રેમ કરતાં નામના ઓછી મળી.

ગામ કરતાં શહેરમાં ‘સિદ્દીક’ મને,
ખૂબ રહ્યો પણ મજા ઓછી મળી.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.