Siddiq-Bharuchi-poetry-gazals-gujarati litrature
Gazal Gujarati

આંખો

આંખો પણ આંખોમાં ઉત્તર રાખે છે,
ઈશ્ક કરો તો સપના સુંદર રાખે છે.

શાળાને સરકારે ફતવો આપ્યો છે,
કોણ વજનથી ભારે દફતર રાખે છે?

રોજ નવા કપડાં બદલે છે, એ રીતે,
લાલચ કેવા કેવા ઈશ્વર રાખે છે!

શહેરમાં મારા ‘તાળી મિત્રો’ સધ્ધર છે,
મળવામાં કંજુસી, અંતર રાખે છે.

પ્રાણની આહૂતિ આપીને આ વ્રુક્ષો,
કાતિલનો પણ ઘરમાં આદર રાખે છે.

વ્યવહારો સાચવ્વા ‘ સિદ્દીક’ સંબંધો,
બેમતલબના મીઠા અવસર રાખે છે.

~ સિદ્દીક ભરૂચી

Leave a Reply

This site uses Akismet to reduce spam. Learn how your comment data is processed.